Эрдэнэтийг зорьсон их хурлын гишүүдийн цувааг жинтэйхэн өнгөлж байна даа гэсэн үгээр өөрийгөө зоригжуулан зүтгэсэн Ц.Нямдоржтон элдэв хачир, рекламгүйгээр намайг монголчууд сонгочихдог юм гэсээр намс намс алхлав. Харин ирж буцах амьдралын заагт шилдүүлж, бөлдөгдүүлсэн бүлэглэлийн бөөгнөрөл болсон хэсэг бусаг хүмүүс ил инээж, далд хараасаар нэг мандатаа түүнд бэлэглээд шүүрс алдах. Эрдэнэтийн хүн амын 65 хувийг Увсын гаралтай иргэд эзэлж байгаа тухай хаврын салхитай хамт ам алдаж байсан аймгийн Засаг ноён энэ удаа Их хурлын сонгуулийн тоосонд орох гэж буй учир их зантай, том дуутай цээж түхгэр алхаж буй хэдий ч дотроо учраа бөхчүүдээ тооцож, зүрх нь чичирч буй нь андашгүй харагдаж байна гэлцэх...