Эрүүл мэндийн яамнаас коронавирусийн талаарх нөхцөл байдлын мэдээлэл хийлээ. ХӨСҮТ-ийн дарга Д.Нямхүү "Өчигдөр 330 хүний шинжилгээ хийсэн. Түүнд дөрөвдүгээр сарын 8-нд Сөүлийн онгоцоор ирсэн 281 хүний давтан шинжилгээ хийсэн бөгөөд эдгээрээс коронавирус илрээгүй. Харин өчигдөр буюу энэ сарын 21-нд батлагдсан нэг иргэний ойрын хавьтал болох 24 хүнийг тогтоож шинжилгээ хийлээ. Үүнээс 23 хүнд коронавирус илрээгүй. Харин тээврийн жолоочийн машинд хамт явсан эхнэрээс коронавирус илэрлээ. Монголд коронавирусийн халдвартай нь батлагдсан хүний тоо 35 болсноос, найман хүн эдгэрч эмнэлгээс гарсан" хэмээлээ.