БНСУ-д коронавирусийн халдвар авсан иргэдийн тоо өнөөдрийн байдлаар 346-д хүрлээ.

Өчигдөр өдрийн байдлаар халдварын тоо 156 байсан. Харин халдварын улмаас амиа алдсан хүний тоо хоёр болоод байна.

БНСУ-д халдварын тохиолдол Кёнги мужийн Гуян, Пёнтек, Бүчон, Сувон, Гүри, Умард Чолла мужийн Гүгсан, Өмнөд Чолла мужийн Нажү, Умард Гёнсан мужийн Дэгү зэрэг хотууд болон Инчон олон улсын нисэх буудлаас илрээд байгаа юм. 

Өмнөд Солонгосын Засгийн газраас коронавирусийн тархалтыг зогсоох зорилгоор олон нийтийн үйл ажиллагаа явуулдаг газруудын үйл ажиллагааг зогсоогоод байгаа бөгөөд “Онцгой анхаарал тавих бүс” болгоод байгаа аж. Тус улсын зэвсэгт хүчний ангид гурван тохиолдол бүртгэгдсэн бөгөөд үүний дараа цэргийн албан хаагчдыг баазаас гарахыг хориглоод байгаа аж.