БНХАУ-ын Ухань хотод анх дэгдсэнээр дэлхийн 20 гаруй улсад тархаж, дэлхий нмйийг цочроогоод байгаа коронавирусээс сэргийлэх бүхи йл арга хэмжээг манай улс авч байна.

Тодруулбал, сургууль цэцэрлэгээс эхлэн олон нитйийн цугладаг бүхий л сургалтын төв, үйлчилгээний газруудад хөл хорио тогтоогоод байгаа.

Түүгээр зогсохгүй урд хилээ хааж БНХАУ-ын нэг ч иргэнийг хилийн дээс давуулахгүй байх арга хэмжээ аваад эхэлсэн. Мөн хамгийн эрсдэлтэй бүсэд зүй ёсоор бүртгэгдэж байгаагийн хувьд төрийн байгууллагууд өндөржүүлсэн бэлэн байдалд ажиллаж, эрсдэл учирсан тохиолдолд Халдварт өвчин судлалын үндэсний төв эмнэлгийг суллаж 200 ор гаргах, шаардлагатай бол Цэргийн төв эмнэлэг, хувийн хэвшлийн “Асралт мед” эмнэлэг, ОБЕГ-ын Жаргалант дахь сувиллын газрын барилгыг ашиглахаар болоод байгаа юм.

Энэ хүндхэн үед Их аварга Д.Дагвадорж коронавирусийн халдварын үед хэрэглэх битүү хувцасыг Япон Улсаас авч явуулж, иргэний үүргээ биелүүлэхээр болж буйгаа мэдэгдэж байна.

Тэрбээр энэ тухайгаа өөрийн фэйсбүүк хуудаснаа “Аса чадлаараа л гүйлээ. Олон улсын чанарт нийцсэн онц ноцтой тахлын үед хэрэглэх  400 ширхэг битүү хувцасбэлдлээ! Энэхүү битүү хувцасыг эрүүл мэндийн яаманд өгөхөөр боллоо. Хэрэгтэй газартаа үтэр түргэн хүргэж өгөөрэй. Иргэний үүргээ биелүүлэх эх орноо гэх сэтгэл гэгэлзээд сайхан байнаа. Лхагва гаригийн Нарита-Улаанбаатарын нислэгээр авч явуулахаар боллоо! МИАТ ХК баярлалаа” хэмээн бичжээ.