NBA-гийн талбайд өнөөдөр найман тоглолт боллоо. Өрнөд бүсийг тэргүүлэгч Лос Анжелес Лейкэрс багийнхан Финикс Сансын талбайд зочлон тоглож 123-115 харьцаагаар Лейкэрс хожиж улиралыг 8 хожил, 2 хожигдолтой болж тэргүүлэгч хэвээр үлдлээ. Харин Санс тоглолтын эхлэлээс тэргүүлж холын зайн шидэлтүүд нь орж байсан ч шийдвэрлэх үеийн төгсгөлд холын шидэлтүүдээ унагааж чадалгүй хожигдол хүлээсэн бөгөөд 6 хожил 4 хожигдолтой болж өрнөд бүсийн 7-рт бичигдэж байна.

Тус тоглолтод Энтони Дэвис 24 оноо, 12 самбар, 4 дамжуулалтаар багаа тэргүүлсэн бол Леброн Жеймс 19 оноо, 7 самбар, 11 дамжуулалт, сэлгээнээс Кайл Кузма 23 оноог авсан бөгөөд шийдвэрлэх үед хийсэн 2 холын зайн шидэлт нь Лейкэрсийг оноог салгахад тусалсан юм. Харин эсрэг багаас Рики Рубио 21 оноо, 11 дамжуулалт, Аарон Бэйнс 20оноо, Дэвин Бүүкэр 21 оноо, 9 дамжуулалтыг гүйцэтгэжээ.