Засгийн газар Олон улсын валютын сангийн хөтөлбөрт хамрагдсанаар долоон төрлийн татвар нэмэгдүүлэхээр болсон ба түүний дөрөв нь 2017 оноос хэрэгжиж эхэлсэн бол үлдсэн гурав нь нэгдүгээр сарын 1-нээс эхлэн хэрэгжиж байгаа билээ. Үүнээс гадна УИХ-аас 2017 оны төсвийн тодотгол хийхдээ хувь хүн газар эзэмших, ашиглах эрхээ бэлэглэсэн тохиолдолд 10 хувийн татвар ногдуулах зохицуулалтыг оруулж баталсан юм. Татварын 10 хувийг тогтоохдоо Татварын ерөнхий газар зах зээлийн ханшаар тухайн газрыг үнэлж, татвар авах аж. 

Түүнчлэн УИХ-аас 2018 оны төсвийг батлахдаа аж ахуй нэгжид хамаарах ашигт малтмалын лиценз, газрын эрхийн бичгээ худалдан борлуулсан тохиолдолд 30 хувийн татвар ногдуулах зохицуулалтыг тусгасан билээ.   

Тиймээс Олон улсын валютын сангийн хөтөлбөрийн хүрээнд нэмэгдэж буй татваруудаас гадна, аж ахуй нэгж хоорондын газар, лицензын наймаа, хувь хүнд хамаарах газрын эрхээ бэлэглэсэн тохиолдолд татвар авахаар болж, өөрчлөгдөж байгаа юм.