Баяр ёслолын үеэр бусдыг бүлэглэн дээрэмдэх, хулгайн хэрэг гарсаар байна. Баянзүрх дүүргийн цагдаагийн хэлтсээс бүлэглэж дээрэм хийдэг хэсэг залуусыг саатуулан шалгаж байгаа билээ. Тэгвэл ийм төрлийн гэмт хэрэг гарсаар байна. Ялангуяа таксины жолоочийн анхаарлыг сарниулж байгаад машинаас нь хулгай хийж буух, гар утас, цүнх зэргийг дээрэмдэх хэрэг гарчээ.

Тодруулбал, өчигдөр орой Баянгол дүүргийн нутаг дэвсгэрт такси барьсан 50 орчим насны эрэгтэй таксины жолоочийн гар цүнхийг хулгайлж буусан хэрэг гарчээ. Тэрбээр хулгай хийхийн тулд бусадтай үгсэн хуйвалдаж байгаад хулгай хийжээ. Тиймээс иргэдийг анхаарал болгоомжтой сонор сэрэмжтэй байхыг цагдаагийн байгууллагаас анхааруулж байна.

О.Онон