Монгол Улсын 30 дахь Ерөнхий сайдад нэрээ дэвшүүлж, олонхийн санал авч ялалт байгуулсан Монгол Улсын шадар сайдын үүрэг гүйцэтгэгч У.Хүрэлсүх танхимаа бүрдүүлэх ажилдаа ханцуй шамлан орсон сурагтай.

Төрийн саарал ордон дахь бор шувуудын жиргэснээр Монгол Улсын шадар сайдад УИХ-ын гишүүн Ж.Энхбаярын нэрийг санал болгожээ. “Мэргэжлийн Засгийн газар огцорсон өдрөөс хойш энэ эрхэм эл албан тушаалд яригдаж байсан юм. Дашрамд өгүүлэхэд, Засгийн газрыг огцруулах тухай асуудалд гарын үсэг зурсан УИХ-ын 33 гишүүнээс 20 нь яамны сайдад яригдаж байгаа юм байна.

 Б.Билгүүн-Очир