БНХАУ-ын тэрбумтнуудын нэг Жак Ма Алибаба компани үүсэн байгуулагдсан ойн өдрөөр Майкл Жексоны бүжиг бүжиглэж, зочиддоо гэнэтийн бэлэн барьжээ. Алибаба компанийн ойн баяр БНХАУ-ын Ханзоуд зохион байгуулагдсан аж.

Ёслолын үеэр тайзнаа гариг ертөнц хийгээд дэлхий рүү асар олон солир унаж буй мэт бичлэг гарах бөгөөд гэнэт мотоцикль унасан багтай эрхэм гарч ирнэ. Тэрхүү эрэгтэй мотоциклио хэдэнтээ хаазалсныхаа дараа бууж, тайзыг голлон Майкл Жексоны бүжиг хийх аж. Харин дараа нь багаа авахад Жак Ма байсан нь ирсэн зочдыг алмайруулж орхисон байна.

Өнгөрсөн хугацаанд тэрбээр ойн баярын үеэр Зорро, бүр эмэгтэй хувцас өмсөн гүнжийн дүрд хувирч байсан удаатай гэнэ. Ингээд муугүй бүжигчин гэдгээ харуулсан Жак Магийн бүжгийн бичлэгийг сонирхуулъя.