Английн премьер лигийн 4 дүгээр тойргийн хүрээнд “Тоттенхэм” клуб “Эвертон”-ы талбайд зочилж, өрсөлдөгчөө 0:3-аар хожсон юм. Тэгвэл энэхүү тоглолтод “Тоттенхэм”-ийн довтлогч Харри Кейн хоёр гоол оруулж, дубль хийсэн. Мөн тэрбээр багийнхаа төлөө 100 дахь гоолоо орууллаа.

100 гоол оруулсныхаа дараа Харри Кейн “Би азтай байсан. Заримдаа аз бас хэрэгтэй байдаг юм шүү дээ. Гайхалтай байна, сүүлийн хэдэн жил би үнэхээр их хичээсэн, 100 дахь гоолоо орууллаа. Би үнэхээр баярлаж байна. Цаашид би илүү олон гоол оруулж, багтаа оноо авахад тусалж чадна гэдэгтээ итгэлтэй байгаа” хэмээн ярьжээ.