Дорноговь аймагт “Хүүхэд, залуучуудын цэцэрлэгт хүрээлэн”-ийн барилгын ажил эхэлсэн байна. Тодруубал, БНХАУ-ын ӨМӨЗО-ны Бугат хотын Дархан муу мянган холбоот хошуутай байгуулсан хамтын ажиллагааны хүрээнд 560 гаруй сая төгрөгийн хөрөнгө оруулалтаар өөрсдийн ажиллах хүчээр “Хүүхэд залуучуудын цэцэрлэгт хүрээлэн"-г  тус аймгийн Сайншанд сумын I багт барьж байгаа ажээ.

Одоогийн байдлаар бүтээн байгуулалтын ажил 80 хувьтай явагдаж байгаа бөгөөд долдугаар сарын сүүлээр ашиглалтад орох гэнэ. Ингэснээр иргэд, хүүхэд, залуучууд чөлөөт цагаа зөв боловсон өнгөрүүлэх, эрүүл мэнддээ хөрөнгө оруулалт хийх, цэвэр тав тухтай орчинд ажиллаж амьдрах нөхцөл бүрдэх юм байна. Тус бүтээн байгуулалтын ажилд орон нутгийн 20 гаруй ажилчид ажиллаж байгаа аж.