Тулгар төрийн 2225 жил, Их Монгол Улс байгуулагдсаны 810 жил, Үндэсний эрх чөлөөний хувьсгалын 105 жил, Ардын хувьсгалын 95 жилийн ойн баяр наадмын долоогийн даваа буюу заан цолны даваа эхэллээ.

Долоогийн даваанд тунаж үлдсэн 16 хүчтэн зодоглох бөгөөд зүүн талын тэргүүн магнайд Увс аймгийн Баруунтуруун сумын харьяат, Монгол Улсын аварга С.Мөнхбат, баруун талын тэргүүн магнайд Сэлэнгэ аймгийн Мандал сумын харьяат, Монгол Улсын аварга Г.Эрхэмбаяр  нар магнайлан улсын алдар цолтнууд учраа бөхөө амлан, хүчийг үзэн барилдаж эхэллээ.

Хүчит бөхийн барилдааны зургаагийн даваанд шинээр харцага цолны болзол хангасан бөхчүүд одоо давсан тохиолдолд заан цолны болзол хангах юм.

1.    С.Мөнхбат /у.ав/ - Н.Жаргалбаяр /а.а/
2.    Г.Эрхэмбаяр /у.ав/ - Б.Бат-Өлзий /а.а/
3.    П.Бүрэнтөгс /у.ар/ - Х.Гантулга /а.а/
4.    Н.Батсуурь /у.ар - Д.Бат-Эрдэнэ /а.з/
5.    Э.Оюунболд /у.а/ - Б.Батмөнх /у.з/
6.    Б.Гончигдамба /у.г/ - Р.Пүрэвдагва /у.н/
7.    С.Санжаадамба /у.з/ - Т.Баасанхүү /у.н/
8.    Ц.Содномдорж /у.х/ - Б.Пүрэвсайхан /у.х/