Дорноговь аймгийн Засаг дарга Т.Энхтүвшин “Дезерт солар пауэр вуан” ХХК-ийн Захирал Э.Батзаяатай нийгмийн хариуцлагын хүрээнд хамтран ажиллах гэрээ байгууллаа.

“Дезерт солар пауэр вуан” ХХК нь Сайншанд суманд 30 мвт-ын нарны цахилгаан станц барих ажлыг ирэх тавдугаар сард эхлүүлэх бөгөөд уг станцыг 2017 онд багтаан барьж дуусгахаар төлөвлөж байна.

Нарны цахилгаан станц ашиглалтад орсноор эрчим хүчний хангамжийн тогтвортой байдлыг хангах, эрчим хүчний импортыг бууруулах, байгаль орчинд сөрөг нөлөөгүй сэргээгдэх эрчим хүчний эх үүсвэр бөгөөд 30-40 хүний ажлын байр нэмэгдэх боломжтой юм.