Улаанбаатар oC
Засгийн газар өчигдөр ээлжит бусаар хуралдаж газар хөдлөлтөд өртөж их хэмжээний хохирол амсаад буй Турк улс руу онцгой байдлын эрэн хайх аврах албаны 20 хүн, эмнэлгийн тусламж үйлчилгээний эмч, сувилагчийн баг нийлсэн 35 хүний бүрэлдэхүүнтэй аврах багийг илгээх, бараа бүтээгдэхүүнийг дэмжлэг туслалцааг хүргэх шийдвэр гаргасан юм. Үүний дагуу Онцгой байдлын ернхий газрын дэд дарга, бригадын генерал Б.Ууганбаяраар ахлуулсан эрэн хайх, аврах баг өглөөний 04:34 цагт Турк улсыг зорилоо. Турк улсад очин, эрэн хайх аврах ажиллагаанд оролцож буй аврагчид 14 хоногийн турш ажиллана гэж төлөвлөөд байгаа юм.
Аврах багийн бүрэлдэхүүнд дөрвөн настай Марта, гурван настай Балу хэмээх хоёр үнэрч нохой багтлаа.
Бүгд найрамдах Турк улс руу илгээж буй тусламжийн бараанд 1500 ноосон хөнжил, 10 тонн нөөшлөсөн мах, хоёр тонн лаа зэрэг бараа бүтээгдэхүүн багтжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
