УЛСЫН ОНЦГОЙ КОМИСС: ХАТУУ ХӨЛ ХОРИО ТОГТООХГҮЙ

УЛСЫН ОНЦГОЙ КОМИСС: ХАТУУ ХӨЛ ХОРИО ТОГТООХГҮЙ

Улсын онцгой комиссоос цаг үеийн асуудлаар мэдээлэл хийж, хатуу хөл хорио тогтоохгүй гэдгийг мэдэгдлээ. Улсын хэмжээнд өнөөдрийн байдлаар зорилтот бүлгийн иргэдийн 90 хувь нь вакцины эхний тунд, 64 хувь нь хоёр дахь тунд хамрагдаад байна. Үүнээс 652 мянган хүн давтан тун тариулаад 14-өөс дээш хоносон буюу дархлаажих хугацаа нь болсон иргэд байна.

Энэ сарын 15 хүртэл вакцинжуулалтыг эрчимжүүлнэ гэж УОК-ийн гишүүн, Засгийн газрын ХМХГ-ын дарга Ц.Ганзориг хэллээ. Мөн халдварт өртсөн иргэдийн 30 хувийг хүүхэд, 40 хувийг 18-34 насны иргэд эзэлж байгааг онцлов.

Тиймээс бүх шатны Засаг дарга нарт вакцинжуулалтыг идэвхижүүлэх үүрэг чиглэлийг Ерөнхий сайд Л.Оюун-Эрдэнэ өгч, Улсын онцгой комиссын Шуурхай штабт өнөөдөр ажилласныг тэрээр тэмдэглэв. УОК-ийн гишүүн, Эрүүл мэндийн сайд С.Энхболд “Мэргэжлийн байгууллагын эрдэмтэн судлаачдын дүгнэж байгаагаар вакцинжуулалтын үр дүн зургадугаар сарын 15-наас гарч, бүртгэгдэх халдварын тоо буурна.

Иймд иргэд ялангуяа, 18-35 насныхныг вакциндаа идэвхитэй хамрагдахыг уриаллаа Давтан тунд хамрагдсан иргэд халдвараас сэргийлж байгаа үр дүн харагдаж байна. Халдварт өртсөн ч маш хөнгөн өвдөж байгааг тэрээр онцлов гэж Засгийн газрын Хэвлэл мэдээлэлтэй харилцах газраас мэдээллээ.

ФОТО:

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.