Элчин сайд Иржи Бродскийг хүлээн авч уулзав

Элчин сайд Иржи Бродскийг хүлээн авч уулзав

Гадаад харилцааны дэд сайд Б.Батцэцэг Бүгд Найрамдах Чех Улсаас Монгол Улсад суух Элчин сайд Иржи Бродскийг Итгэмжлэх жуух бичгээ барихтай нь холбогдуулан өчигдөр /2017.09.19/ хүлээн авч уулзав.

И.Бродский Монгол Улсад суух Элчин сайдаар томилогдсондоо баяртай байгаагаа илэрхийлээд цаашид хоёр улсын харилцаа, хамтын ажиллагааг өргөжүүлэн хөгжүүлэх, худалдаа, эдийн засаг, хөдөө аж ахуй, эрчим хүч, байгаль орчин зэрэг салбарын хамтын ажиллагааг урагшлуулахын төлөө идэвхтэй хамтран ажиллахаа илэрхийлэв.

Дэд сайд Б.Батцэцэг Монгол, Чехийн эдийн засгийн хамтын ажиллагааг өргөжүүлэх өргөн боломж байгааг онцлон тэмдэглээд хоёр орны аж ахуйн нэгж хоорондын бизнесийн хамтын ажиллагааг эрчимжүүлэх талаар санал солилцож, Элчин сайдад ажлын өндөр амжилт хүсэв.

Элчин сайд И.Бродский улс төрч, социологич мэргэжилтэй бөгөөд өмнө нь БНЧУ-аас Данийн Вант Улсад суугаа Элчин сайдаар ажиллаж байсан.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.