Японы мэргэжлийн сумо бөхийн дал дахь аварга Харумафүжи Д.Бямбадоржийн зурсан зураг 100 мянган ам.доллараар зарагдсан байна.

Тэрбээр өмнө нь  Японд уран бүтээлээ туурвидаг зураач  С.Заяасайхантай хамтран уран зургийн үзэсгэлэнгээ гаргаж  байжээ. Аварга маань тухайн үед зурж байсан бүтээлээ дуудлага худалдаанд оруулж нэг зураг нь гэхэд л 100 мянган ам.доллароор үнэлэгджээ.

Энэ тухай сумогийн 68 дахь аварга Асашёорюү Дагвадорж “Харумафүжи аваргын зурсан зураг нэг нь 100000$ зарагдсан байна гэнэ шүү!!! Bravo” хэмээн жиргэжээ.

Д.Бямбадорж аварга маань бүтээлээсээ олсон мөнгөө Монгол дахь хүнд өвчтэй хүүхдүүдийг эмчлэхэд зориулна хэмээжээ.

З.Мөнхсувд