Бүгд найрамдах Энэтхэг улсаасманай улсын нэгэн УИХ-ын гишүүнд хаягласан захидал өчигдөр орой Төрийн ордонд ирснээс болж Тагнуул, Цагдаа, Мэргэжлийн хяналтын алба хаагчдыг түргэн авахуулжээ.

Учир нь тус захидлын цаас үхэлд хүргэж болзошгүй, химийн бодисын агууламжтай байсан учир нэр бүхий УИХ-ын гишүүний туслах хорджээ.

Одоогоор тус захидлыг яг хэн гишүүнд хаяглан ирүүлснийг албаны эх сурвалжууд мэдээллээгүй байна. Харин албан бус эх сурвалжийн мэдээллээр УИХ-ын дарга Г.Занданшатарт хаягласан захидал байсан гэх мэдээлэл байна.

Ямартаа ч тус дуудлага мэдээллийн дагуу мэргэжлийн байгууллагууд ажиллажээ. Одоогоор Тагнуулын Ерөнхий газрын албан хаагчид тус захидлын цаасыг Химийн хүрээлэнд шинжлүүлэх шаардлагатай гэсэн учир, зохих албаны хүмүүс тус газарт өчигдөр орой захидлыг хүргэж өгсөн, одоо шинжлүүлж байгаа юм байна. Энэ талаар эргэн мэдээлэх болно.