Жижиг, дунд үйлдвэрлэлийг хөгжүүлэх сангийн хөрөнгө эрхэм гишүүдийн халаасны мөнгө болдог болох нь илчлэгдээд байгаа билээ. Энэ сангийн хөрөнгөөс хүртсэн эрхмүүдийн дунд санаанд оромгүй хүмүүс ч олон байсан.

Тухайлбал, улстөрчид дундаа нэр цэвэр гэгддэг УИХ-ын гишүүн Ж.Энхбаяр энэ жагсаалтад багтсан байх юм. Тэрбээр энэ зээлээс хүртсэн гэдгээ хүлээн зөвшөөрөөд зогсохгүй, эргүүлэн төлсөн тухайгаа өөрийн твиттер хуудсаараа дамжуулан олон нийтэд мэдээлжээ. Тэр үнэхээр баян юм. Бүхэл бүтэн үхрийн үүлдэр санхүүжүүлэх хэмжээний мөнгийг долоохон хоногийн дотор буцаагаад төлчихлөө. Энэ нь түүнд түүртэхээр их мөнгө биш байсан бололтой.

Ийм баян юм байж тэр зээлээс анхнаасаа хүртэх нь илүүц байсан юм биш үү. ЖДҮХС-гийн зээлээс аваагүй бол нэр цэвэр гишүүн гэх тодотголоо хадгалан үлдэх байсан юм биш үү, Ж.Энхбаяр гишүүн ээ.

Хайран залуу. Түүнийг овоо гэж боддог байлаа гэх харамсал дүүрэн байна.