Хьюстон Рокетс талбай дээрээ Голдэн Стэйт Уорриорс багтай цувралын 5 дахь тоглолтыг хийж 98-94 харьцаагаар цувралыг 3-2 болгон тэргүүлж эхэллээ.

Тус тоглолтод Рокетсоос Эрик Гордон хамгаалалт, довтолгоо гайхалтай байж 24 оноо, 4 самбар, 2 бөмбөг таслалт, 1 хаалтыг тавьж багаа тэргүүлсэн бол Крис Пол 20 оноо, 7 самбар, 6 дамжуулалт, 3 бөмбөг таслалт, Жеймс Харден 19 оноог тус тус авчээ. Харин эсрэг багаас Кэвин Дурант, 29 оноо, 4 самбар, Клэй Томпсон 23 оноо, 4 самбар, Стифэн Көрри 22 оноо, 6 самбар, 6 дамжуулалтыг гүйцэтгэжээ.

Хоёр багийн дараагийн тоглолтод нөгөөдөр буюу энэ сарын 27-ны өглөө 08:30 цагт эхэлнэ.