Засгийн газраас “Ноолуур” хөтөлбөрийг шинэчлэн баталж байгаатай холбогдуулан Хөдөө аж ахуйн биржээс өнөөдөр мэдээлэл хийлээ.

Уг хөтөлбөрийг хэрэгжүүлэхэд Хөдөө аж ахуйн бирж хамгийн чухал үүрэг гүйцэтгэх юм байна. Тухайлбал тус бирж хоршоод, иргэдтэй ноолуур худалдаж авах гэрээг урьдчилан байгуулжээ. Ингэснээр малчид ноолуураа нэг төвлөрсөн газар өгдөг болоод зогсохгүй,  биржийн зүгээс үндэсний үйлдвэрлэлээ дэмжиж байгаа томоохон алхам болох юм.

Түүнчлэн ноолуурыг экспортлохдоо зөвхөн угаадаг технологийг багасган, эцсийн бүтээгдэхүүн хэлбэрээр гаргахыг зорьж байгаа юм байна. Тиймээс угаасан ноолуурын хураамжийг нэмэхээр тооцоолж байгааг тус биржийнхэн дуулгасан юм.

Хөдөө аж ахуйн биржийн гүйцэтгэх захирал Х.Баатар “ноолуурын үнэ энэ жил өнгөрсөн жилийнхээс буурахгүй аж. Мөн түүнчлэн баруун аймгийн малчдыг ямаагаа самнадаг хугацаанаас 10 хоногийн өмнө самнахыг зөвлөв. Ингэснээр ноолуураа бага үнээр өгөхгүй байх боломжтой. Мөн ХААБ-ээр дамжуулан ноолуураа борлуулснаар ноолуурын үнийг хятад ченж нар тогтоодог тогтолцоог өөрчлөх боломжтой” гэлээ.