Монголын үндэсний олимпийн хороо, Монголын спортын сэтгүүлчдийн холбоотой хамтран зохион байгуулдаг “Бөртэ чоно” наадам энэ сарын 20-нд болохоор товлогджээ. Ардын багш Ц.Дамдины санаачилсан энэ шагналын эзнээр хэнийг тодруулах бол гэсэн хүлээлт, догдлол спортын хорхойтнууд дунд аль хэдийнэ бий болжсон байгаа. Энэ жилийн “Бөртэ чоно”-ын эзнээр жүдоч Д.Сумъяа, чөлөөт бөхөөр олон амжилтын  эзэн болсон П.Орхон нарын нэг тодруулах  байх гэсэн таамаг олны дунд байна.

Тодруулбал,“Рио-2016” олимпийн “шарх”-аа нөхөн, энэ жил ДАШТ-ээс алтан медаль хүртэж Дэлхийн аварга болсон Хөдөлмөрийн баатар Д.Сумъяа, дэлхийн дэвжээнд төрийн дууллаа эгшиглүүлснээс гадна энэ онд оролцсон бүх тэмцээндээ түрүүлсэн гавьяат тамирчин П.Орхон хоёрын нэг хүртэх нь баттай. Эсвэл хоёулаа “Бөртэ чоно” хүртэх магадлалтай юм.  

2017 онд тус шагналд хэн хэний нэр байгааг уншигч та бүхэнд сонирхуулъя. 
Шилдэг эрэгтэй тамирчин:
1.Цэгмэдийн Батчулуун (Дэлхийн цомын аварга шалгаруулах шатрын тэмцээнд оролцон, Азийн АШТ-д V байрт шалгарч, чансааны оноогоо 2570 болгон ахиулсан)
2.Ганбатын Болдбаатар (Жүдо бөхийн ДАШТ-ээс хүрэл)
3.Эрдэнэбатын Бэхбаяр (Чөлөөт бөхийн ДАШТ-ээс хүрэл)
4.Ганхуягийн Ган-Эрдэнэ (Боксын ДАШТ-д V байрт шалгарсан)
5.Гансүхийн Дорж (Бодибилдингийн “Арнольд классик” тэмцээнд түрүүлсэн)
6. Нацагсүрэнгийн Золбоо (Чөлөөт бөхийн ДАШТ-д V байрт шалгарсан)
7. Ганбаатарын Одбаяр (Жүдо бөхийн ДАШТ-ээс хүрэл)
8.Доржнямбуугийн Отгондалай (Боксын ДАШТ-ээс хүрэл)
9. Бямбаагийн Түвшинбат (Боксын ДАШТ-д V байрт шалгарсан)
10.Найдангийн Түвшинбаяр (Жүдо бөхийн ДАШТ-ээс хүрэл)
11.Отгонбаатарын Ууганбаатар (ДАШТ-д V байрт шалгарч, Токиогийн “Их дуулга”-д түрүүлсэн)
12.Баатарсүхийн Чинзориг (Боксын ДАШТ-д V байрт шалгарсан)
Шилдэг эмэгтэй тамирчин:
1.Мөнхжанцангийн Анхцэцэг (Хүндийг өргөлтийн ДАШТ-ээс хүрэл медаль хүртэн, “Ашгабат-2017” Азийн наадамд түрүүлсэн)
2.Соронзонболдын Батцэцэг (Чөлөөт бөхийн Азийн аварга болсон)
3.Цогт-Очирын Батцэцэг (“Ашгабат-2017” Азийн наадмын жиү жицү бөхийн төрөлд алт, мөнгөн медаль)
4.Бадамгаравын Гангаамаа (Дэлхийн долоон ноён оргилд гарсан Монголын анхны уулчин болсон)
5.Отрядын Гүндэгмаа (Буудлагын спортын Азийн АШТ-ээс мөнгөн медаль)
6.Балдоржийн Мөнгөнчимэг (Жүдо бөхийн ДАШТ-ээс хүрэл медаль)
7.Отгоны Мөнхцэцэг (“Ашгабат-2017” Азийн наадмын бүстэй барилдааны төрөлд гурван алт, нэг хүрэл медаль)
8.Пүрэвдоржийн Орхон (Чөлөөт бөхийн насанд хүрэгчдийн ДАШТ, Армийн ДАШТ-д түрүүлсэн)
9.Доржсүрэнгийн Сумъяа (Жүдо бөхийн ДАШТ-д түрүүлсэн)
10.Гамбагаагийн Угалзцэцэг (Бодибилдинг, фитнессийн ДАШТ-ээс гурав дахь түрүүгээ хүртсэн)
11.Мөнхбатын Уранцэцэг (Жүдо бөхийн ДАШТ-ээс мөнгөн медаль)
Шилдэг баг:
1.Сагсан бөмбөгийн 3х3 төрлийн шигшээ баг (Азийн аварга болж, “Ашгабат-2017” Азийн наадам, гран при тэмцээнээс хүрэл медаль)
2.Бөмбөгтэй хоккейн шигшээ баг (“В” зэрэглэлийн ДАШТ-ээс хүрэл медаль)
3.Хоккейн шигшээ баг (“Саппоро-2017” Азийн наадамд IV байрт шалгарч, “Challenge cup” тэмцээнээс мөнгөн медаль)
4.Волейболын ”Хасу-Мегастарс” клуб (2017 онд оролцсон бүх тэмцээндээ түрүүлсэн)
5.”Эрчим” клуб (Хөлбөмбөгийн 2017 оны дээд лигт аваргалсан).