АНУ-ын ерөнхийлөгч Дональд Трамп Ази тивийн орнуудаар айлчлахаар эх орноосоо морджээ. Япон, Өмнөд Солонгос, Хятад, Вьетнам, Филиппинд буудаллах Д.Трампын айлчлал АНУ-ын төрийн тэргүүний хувьд сүүлийн 25 жилийн хугацаан дахь хамгийн урт хугацааны аялал аж.

Айлчлалын гол асуудал нь Хойд Солонгосын цөмийн хөтөлбөр, шил шилээ дагасан пуужингийн туршилт, Солонгосын хойгийн хямралыг талаар хөрш орнуудтай нь ярилцах явдал аж. Айлчлал 11 хоног үргэлжлэх юм. Айлчлал Японоор эхэлж, Ерөнхий сайд Шинзо Абэтэй уулзалт хийнэ. Маргааш Өмнөд Солонгост очиж, Ерөнхийлөгч Мүүн Жэй-интэй албаны уулзана. БНСУ-ын Үндэсний ассамблейн чуулганд үг хэлнэ. Лхагва гарагт Хятадад очиж, тус улсын дарга Си Жиньпинтэй уулзана. Энд хоср хонож олон ццлзалт хийх аж. Вьетнамын Данангт очиж, Ази-Номхон далайн эдийн засгийн хамтын ажиллагааны байгууллагын дээд төвшний уулзалтад оролцоно. Арваннэгдүгээр сарын 11-нд Вьетнамын нийслэл Ханойд очиж, тус улсын ерөнхийлөгч Тран Дай Куанг болон бусад удирдах  хүмүүстэй уулзана.
Ирэх ням гаригт Филиппиний нийслэл Манилад очиж, Зүүн Өмнөд Азийн орнуудын холбоо /АСЕАН/-ны 50 жилийн ойд зориулсан хүндэтгэлийн хүлээн авалтад оролцоно.
 Даваа гарагт Филиппинд очиж, Ерөнхийлөгч Родриго Дутертетэй уулзаад,  Манилад болох АСЕАН-ы чуулга уулзалтад оролцсоноор түүний албан ёсны айлчлал дуусах аж.