УИХ-д 65 суудалтай МАН хоёр дахь удаагаа засгаа байгуулах гэж бөөн юм болж байна. 2016 онд ялалт байгуулаад засгаа бүрдүүлэхдээ харин ч ялалтандаа бялуураад даргынхаа дохиогоор байж дээ. Хэн ч таамаглаагүй байсан Ж.Эрдэнэбат гэгч Сэлэнгийн Засаг дарга байсан залууг Ерөнхий сайдаар тавьсан. За тэгээд Засгийн газар нь уяачдаар, эсвэл том дарга нарын хамаатнаар дүүрсэн дээ. Гомдол мэдүүлсэн зарим нэгний амыг нь дэд сайд хэмээх бялуугаар хуурсан. Ямартаа л Сөүл рестораны эзэн нэг хүүхнийг хүртэл сайдад нэр дэвшүүлж тандсан даа. МАН-д одоо хурцаар өрнөөд байгаа зөрчил ч энэ үеэс эхтэй гэж ажиглагчид ярьдаг юм билээ.

Сая Засгийн газраа байгуулахдаа яав. УИХ дахь 65 гишүүн яг дундуураа хуваагдаад үзэлцэв. Арай гэж засгаа бүрдүүлэв. Бие биедээ уньж туньж, шантаажилж, сүрдүүлж бүр янз бүрээр аашилу байж засгаа нэг юм байгуулав. Үнэндээ хүмүүс У.Хүрэлсүхийг дайчин зоригтой хүн, ядах юмгүй дасгаа бүрдүүлнэ хэмээн таамаглаж байсан ч санаснаар нь болоогүй. Доль цохисон “хүнд гарууд” нь гэдийгээд “хэвтсэн” гэнэ лээ. Гэнэ лээ ч дээ тэгсэн. Тохиролцохгүй гээд хаачдын гэх үгийг ч сөрөг талын орйлогч хэлсэн байгаа.

Бидэнгүй засаг байгуулаад үз, удахгүй огцруулна л гэсэн гэнэ лээ. Ингээд арай гэж засгаа бүрдүүлтэл хууль хүчнийхний цусгүй тулаан болов, өнгөрсөн долоо хоногт. Нэг цагийн дотор л засгийн хуралдуулаад ЦЕГ-ын даргыг соличив. Ц.Нямдорж гэдэг хүнд бол засаг хуралдуулахаас өгсүүлээд бүх зүйл гарт нь байдаг аж. ТЕГ-ын дарга Б.Хурц, Хууль зүй, дотоод хэргийн сайд Ц.Нямдорж нар телевизийн микрофоны өмнө биенийхээ хамаг булхайгаа илчлэв. Хүн бүр бараг шоконд орлоо шүү дээ, үнэндээ. Энэ үйл явцын үргэлжлэл энэ долоо хоногт болно гэж байна. ТЕГ-ын дарга Б.Хурц:

            -Та нарт нэг юм хэлэхэд Цахилгаан станцын дарга Анхбаяр Нямдоржийн хуурай дүү нь юм. /Анхбаяр нь Эрдэнэт үйлдвэрт 42 сая долларын юм шахсан хүн гэнэ/

Хууль зүй, дотоод хэргийн сайд Ц.Нямдорж:

            -Шулуухан хэлий. Хурц нь сахал Эрдэнэбилэгийн хуурай дүү нтшдээ. /Эрдэнэт үйлдвэрийн 49 хувийг төрийн мөнгөөр авсан гэгддэг Эрдэнэбилэгийг хэлж байна/

УИХ-ын гишүүн О.Баасанхүү энэ хоёр хүний ярьсан зүйлийг шалгах, эсвэл УИХ-аар сонсох хэрэгтэй хэмээн хэлжээ. Юу болохыг харж л байя. Юутай ч АН-ынхны хэрүүл МАН-ынхны дэргэд юу ч биш байж хэмээн хүмүүс шогширч байна.

 Ц.нямдорж сайд Б.Хурцыг солино гэснээр ТЕГ-ын даргаар томилогдох магадлалтай хүмүүсийн нэрс яригдаж эхэллээ. Тодруулбал, ЦЕГ-ын тэргүүн дэд дарга асан А.Дулаанжаргал, ТЕГ-ын дарга асан Р.Болд, ТЕГ-ын дэд дарга Б.Энхсүх нарын нэр яригдаж байгаа ажээ. А.Дулаанжаргал, Р.Болд нарын хувьд олон нийтэд танигдсан хүмүүс. Харин ТЕГ-ын дэд даргаар ажиллаж буй Б.Энхсүхийн тухайд олон нийт сайн танихгүй. Нөгөө л М.Энхболдын хүн, энэ нь тэрний хүн хэмээн шуугиж байна.