Английн премьер лигийн 2 дугаар тойргийн хүрээнд өчигдөр орой хоёр тоглолт боллоо. Тэр дундаа “Тоттенхэм” клуб талбайдаа “Челси”-г хүлээж авсан тоглолт дэлхий нийтийн анхаарлын төвд байсан юм.

Тэгвэл энэ тоглолтод “Челси”-гийн жигүүрийн хамгаалагч Маркос Алонсо гайхалтай тоглолтыг үзүүлж, “Тоттенхэм”-ийг “Челси” талбайд нь 1:2-оор буулгаж авсан. Алонсо энэ тоглолтод дубль хийж, 24, 88 дахь минутад гоолдсон. Тэгвэл талбайн эздийн нэр дээр бүртгэгдсэн нэг гоолыг Батшуайи өөрийнхөө хаалганд оруулсан.

Доод лигээс гарч ирсэн “Хаддерсфилд” клуб талбайдаа “Нью Касл”-ыг хүлээж авч, 1:0-ээр буулгаж авснаар эхний хоёр тоглолтод дараалан хожиж чадлаа. Мөн хоёр тойрогт дөрвөн гоол оруулж, ганцыг ч алдсангүй. Тоглолтын хувь заяаг шийдсэн цорын ганц гоолыг 50 дахь минутад Муй оруулсан байна.