Энэтхэгийн хөдөө аж ахуйн сайдын гадаа гудамжинд морь харж буй зураг өдөр тутмын сонины эхний нүүрийг чимсэнээр сошиал ертөнцөд томоохон дуулиан дэгджээ.

“Times of India” сонинд бичсэнээр, эдүгээ 67 настай Хөдөө аж ахуйн сайд Радха Мохан Синг өөрийн сонгогдсон тойрог болох тус улсын зүүн этгээдийн Бихар мужид айлчлах үедээ жижиг гар буугаар зэвсэглэсэн аюулгүйн албаны ажилтныг дэргэдээ зогсоож сонгуулийн хана руу ичгүүр сонжуургүйгээр “Морь харсан” байна.

Тус сонины нэгдүгээр нүүрт сайдын зурагнаас гадна “Засгийн газрын сайд олон нийтийн газар морь харлаа” гэх үгийг бичжээ.

Энэтхэгийн Ерөнхий сайд Нарендра Модигийн улс төрийн гол бодлогын нэг нь олон нийтийн эрүүл ахуйг сайжруулах, боловсон жорлонгийн хэрэглээг нэмэгдүүлэх юм. Гэвч, Засгийн газрын сайд нь өөрөө зөрчиж буйг интернэт сүлжээнд шоглон бичиж байна.