Селин Дионы нулимстай дуу
Дуучин Селин Дион АНУ-ын Лас Вегаст зохион байгуулагдсан “Биллборд мюзик авардс” наадмын үеэр Титаник киноны дуу болох “My hearth will go on” дуугаа дуулжээ.
Бүх цаг үеийн хамгийн шилдэг кинонуудын нэг болох Титаник кино 1997 онд дэлгэцнээ гарч байсан бөгөөд түүнээс хойш 20 жилийн ой нь энэ онд тохиож буй. Тиймээс ч дуучин бүсгүй киноны ойтой холбогдуулан тус дууг дуулсан аж.
Гэвч, бүсгүйн уйтгар гуниг шингэсэн аялгуу танхимд цугларсан нэлээдгүй олон хүнийг уйлуулаад амжсан байна. Тодруулбал, Билл борд мюзик авардсын хөтлөгчөөр ажилласан Ванесса Хадгенс тэсэлгүй нулимс унагасан бол зарим нь твиттер хуудастаа “Селин Дионыг дуулахад нулимсаа барьж дийлсэнгүй”, “Дахиад л уйлчихлаа”, “Үнэхээр гайхалтай тоглолт байлаа” гэх зэргээр жиргэсэн байжээ.
Түүнчлэн, жүжигчин Лиа Мишель ч Селин Дионтой авхуулсан зургаа твиттер хуудастаа нийтэлсэн байх бөгөөд зурагт жүжигчин бүсгүй ч мөн нулимсаа арчиж байх аж.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
