Дорноговь аймаг болон БНХАУ-ын ӨМӨЗО-ны Эрээн хот хоорондын найрамдалт хамтын ажиллагааны хүрээнд БНХАУ-ын ӨМӨЗО-ны Эрээн хотын хөрөнгө оруулалтаар Сайншанд хотын "Алтанговь худалдааны төв"-ийн гадна гудамж талбайг бүрэн шинэчлэх, аймгийн төвийн 5,4 км замын дагуух 165 ширхэг хос гэрэлтүүлгийг шинэчлэх, аймгийн Нэгдсэн эмнэлгийн хүлээлгийн танхимын өргөтгөл засварын ажлыг тус хотын инженер техникийн ажилчид ирж хийж өгөхөөр болсон.

Тус ажлын хүрээнд БНХАУ-ын ӨМӨЗО-ны Эрээн хотын Бүтээн байгуулалтын газрын дарга Пан Го Юнь болон гүйцэтгэгч БНХАУ-ын Бээжин хотын "И Цай" компаний захирал Тан Пан тэргүүтэй ажлын хэсэг Сайншанд суманд айлчилж, бүтээн байгуулалт хийгдэх ажлуудтай газар дээр нь танилцсан бөгөөд аймгийн Засаг дарга Т.Энхтүвшин өнөөдөр /2017.04.24/ хүлээн авч уулзлаа.

Уулзалтын үеэр аймгийн Засаг дарга Т.Энхтүвшин тус бүтээн байгуулалтын ажлууд товлосон хугацаанд хөдөлмөр аюулгүй байдлыгсахин ажиллаж, чанарын өндөр түвшний гүйцэтгэлтэй хүлээлгэж өгөхийг хүссэн юм.Мөн Дорноговь аймгийн бүтээн байгуулалтад томоохон хөрөнгө оруулалт хийж байгаад нэн түрүүнд талархал илэрхийлж, цаашдын ажил үйлсэд амжилт хүссэн юм.