С.Сэрчмаа охидыг гадаад хүнтэй суухгүй байхыг уриалав
2012 оны 12 сарын 24
Дуучин С.Сэрчмаа гадаад хүнтэй гэрлэсэндээ харамсан “Би явлаа, баяртай” киногоо бүтээхээр болжээ. Тэрбээр энэхүү киногоо бодит амьдралаас сэдэвлэн бүтээж, гадаад хүнтэй суусан олон монгол бүсгүйчүүдийн зовлон жаргалыг харуулахаар шийдсэн байна.

Удахгүй дэлгэцнээ гарах киноныхоо талаар хэлэхдээ “Энэ киноноос Сэрчмаа мундаг, гоё гэдгийг хараасай гэж хүсээгүй. Харийн хүнтэй амьдарч байгаа бүсгүйчүүд олон байгаа нь нэг талаараа үндсэрхэг үзэлтэй холбоотой асуудал хөндөгдөж байна гэдгийг харуулахыг хүссэн” гэсэн юм.

Үүнээс харахад Өвөрмонгол нөхрөөсөө салсан С.Сэрчмаа эх орондоо ирсэн даруйдаа охид бүсгүйчүүддээ харийн хүнтэй суух хэрэггүй гэдгийг ойлгуулахыг хүссэн бололтой. 2003 онд “Удам” киноны гол дүр Цасжин охины дүрд тоглож байсан С.Сэрчмаа тухайн үедээ жүжиглэж чадахгүй байна хэмээн найруулагчдаа загнуулж байсан бол одоо бүтээж буй кинондоо сайн жүжиглэж чадна гэдэгтээ итгэлтэй байгаа аж.












М.Кейт Эх сурвалж: www.mminfo.mn
Бидэнтэй нэгдээрэй www.facebook.com/mminfo хуудсыг дэмжээрэй
Сэтгэгдлийг ачаалж байна ...